کۆمپانیای ئاهام یه‌که‌م کۆمپانیای پڕۆگرامسازییه‌ له‌ هه‌رێمی کوردستان، نوسینگه‌که‌ی له‌ هه‌ولێره‌ (پایته‌ختی کوردستان)، سه‌ره‌تا ئه‌م کۆمپانیایه‌ له‌ کۆتاییه‌کانی 2006 (19-11-2006) له‌لایه‌ن سێ ئه‌ندازیاری پڕۆگرامسازییه‌وه دامه‌زراوه‌‌، ژماره‌ی تۆماری کۆمپانیا له‌ به‌ڕێوه‌به‌رایه‌تی تۆماری کۆمپانیاکان بریتییه‌ له‌ 3319.

له‌ ڕاستیدا کۆمپانیا کاره‌کانی خۆی له‌ مانگی سێیه‌می 2007 ده‌ستپێکرد، کۆمپانیاکه‌ش خۆی له‌ ئایاری 2007 ده‌ستی به‌ گه‌وره‌بوون کرد. ئێستا (شوباتی 2008) کۆمپانیای ئاهام به‌ناوبانگترین کۆمپانیای پڕۆگرامسازییه‌ له‌ ناو هه‌رێمدا، پێکهاتووه‌ له‌ چه‌ند به‌شێک، به‌شی فرۆشتن، به‌شی وێنه‌ و نه‌خش کردن، به‌شی ماڵپه‌ڕ، به‌شی تۆڕی کۆمپیوته‌ر، به‌شی بنکه‌ی زانیارییه‌کان.